Tudādayo avuddhikā

84.

Tuda byathāyaṃ (tu) nuda kkhepaṇe likha lekhaṇe,

Kuca saṅkocane rica kkharaṇe khaca bandhane;

85.

Uca sadde samavāye vijī bhayacalesu (ca),

(Vattate) bhuja koṭille valañjo (tu) valañjane;

86.

Bhaja sevāputhakkāre ruja roge aṭā’ṭane,

Kuṭacchede (ca) koṭille agā sajjhāyanā’disu;

87.

Puṇo subha kiraye vatta vattane cata yācane,

Putha pāke pūtibhāve kuthasaṃklesane’(pi ca;)

88.

(Ubho dhātu) putha-patha vitthāre vida jānane,

Hada uccāra ussagge-cintāyaṃ mida hiṃsane;

89.

Nandha vinandhane thīna-puna saṅghātavācino,

Kapa acchādane vappa vāraṇe khipa peraṇe;

90.

Supo saye chupo phasse (vattate) capa sāntvane,

Nabha (dhātu) vihiṃsāyaṃ rumbha uppīḷanādisu;

91.

Sumbha saṃsumbhane jambha jambhane jubha nicchubhe,

Ṭhubha niṭṭhubhane camu adane chamu hīḷane;

92.

Jhamu dāhe chamu adane irīya vattane’(pi ca),

Kira (dhātu) vikiraṇe giro nigiraṇā’disu;

93.

Phura sañcalanādīsu kura saddā’danesu (ca),

Khuracchede vilikhaṇe ghura bhīme gilā’dane;

94.

Tila snehe cila vāse hila hāve silu’ñchane,

Bila bhede thūla caye kusacchedana pūraṇe;

95.

Visappavese pharaṇe disā’tisajjanā’disu

Phula phasse musa theyye thusa appikirayāya (tu)

Guḷa mokkhe guḷa parivattanamhi (tudādayo;)

Hū bhuvādayo luttavikaraṇā

96.

Hū-bhū sattāya (mu’ccanti) i ajjhāne gatimhi (ca,)

Khā-khyā (dvayaṃ) pakathane ji jaye ñā’vabodhane;

97.

Sī-ḷī vehāsagamane ṭhā gatīvinivuttiyaṃ,

Nī pāpaṇe muna ñāṇe hana hiṃsāgatīsu (’pi)

98.

Pārakkhaṇamhi pā pāne brū vācāyaṃ viyattiyaṃ,

Bhā dittiyaṃ mā pamāṇe (atho) yā pāpuṇe (siyā;)

99.

(Duvepi) rā-lā ādāne vā gatīgandhanesu (pi,)

Asa (dhātu) bhuvi (khyāto) si saye sā samatthiye;